Arabat belinde sentâbrniñ 1-nde Koktebel Jazz Festival çerçivesinde «Qırım Media Konferentsiya» forumı keçirilecek. Qırım ve Herson jurnalistleri Qırımnıñ aktual meselelerini muzakere etecek.
Qırım.Aqiqat forumnı canlı yayında kösterecek.
Tedbir saat 11:00-da açılacaq. Forum vaqtında bir qaç panel çalışacaq:
- Anastasiya Ringis ve Natalya Lütikova «Ösmürlerniñ közünde işğal» leyhasını taqdim etecek «Bir sızıq, farqlı ölçev». Bu panel çerçivesinde yarımadadaki ukrain kimligi meselesini «Qırım aq qorçalayıcı gruppasınıñ» eksperti Vladimir Çekrıgin ve İnsan aqları regional merkeziniñ yolbaşçısı Sergey Mokrenüknen muzakere etmege planlaştırıla. İştirakçiler arasında – halqara uquq eksperti Boris Babin ve Kütleviy haber institutınıñ vekili Oksana Romanük.
- «Uquqsızlıq yeri». Jurnalist Taras İbragimov, «Qırım birdemligi» cemaat birleşmesiniñ vekili Mümine Saliyeva ve «Qırım platforması» taqımınıñ koordinatorı Aleksey Harçenkonıñ çıqışları planlaştırıla.
- Prodüser Aleksandra Oçman ve alıp barıcı Anastasiya Levkova çıqış yapıcaq «Medeniy ölçevdeki Qırım».
- «Coyayatqan Qırımımız» yarımadanıñ ekologik problemlerini qavrap aldı. Olarnı qırımlı ekolog Margarita Litvinenko ve sudaqlı faaller muzakere etecek.
Hatırlatamız, Arabat belinde avgustnıñ 29-nda başlağan ve sentâbrniñ 5-ne qadar devam etecek Koktebel Jazz Festival caz festivali keçirile.
Koktebel Jazz Festival daa evel Koktebelde keçe edi, faqat 2014 senesi Rusiye yarımadanı işğal etken soñ festival esas Ukrainağa köçti. 2020 senesi koronavirus pandemiyası sebebinden telükesizlik maqsadınen Koktebel Jazz Festival esas Ukrainada ötkerilmedi.
