Qırımdan qıta Ukrainağa köçken Koktebel Jazz Festival, bu yıl 6-8 sentâbrde Truhanov adasında keçirilecek. Bu aqta Qırım.Aqiqatqa teşkilciler haber etti.
"Programmada bir qaç rezidentsiya bar: Qırım artisleriniñ sanatına bağışlanğan "Qırım adası"; YuBK ("Kyivniñ cenübiy yalısı") ile işbirlikte keçırilgen Кoktebel Jazz Stage; icadiy taqım ve "H.L.A.M" Kyiv klubu ile azırlanılğan Koktebel free beach club", - dep bildirile beyanatta.
Teşkilcilerge köre, olar Çernomorsktan (Odessa vilâyeti) festivalni avuştırmağa mecbur oldı, çünki "festival ilerlemesine baqışları yerli akimiye organlarınıñ baqışlarınen bir kelmey edi".
Rusiye Qırımnı ilhaq etkeninden soñ, Koktebel Jazz Festival, Köktöbel Qırım qasabasından uzaq, Ukrainanıñ qıta qısmında keçirile. Bu yıl festival 17-nci kere keçecek.
