«Kök tepsi»: Aqyardaki Kadıkov ocağı (fotogalereya)

Ocaq gölü, ya da Kadıkov ocağı Balıqlavadan bir qaç kilometr mesafede Uşakovka köyü yanıdna yerleşe. Köy Balıqlava bölgesindeki eñ kiçiklerden biri sayıla, anda tek eki soqaq bar. Evel ocaq gölünde, beyaz tüslü, qurucılıqta işlengen topraq soyu – aqın kireçtaşı qazıp çıqarıla edi. Yerastı suv seviyesine yetişme sebebi ile Kadıkov ocağı 2000 yıllarnıñ başında qapatıldı. Bundan soñ ocaqnıñ çuqurında tatlı suvlu göl peyda oldı. O, Aqyarnıñ eñ alçaq noqtфsıdır – deñiz seviyesinden 14 metr aşağı.

2020 senesi dekabrniñ 19-nda Aqyar Mavı gölden suvnen temin etilip başlandı. Rusiye nezaretinde olğan şeer başı Mihail Razvojayev, bunıñ sayesinde Aqyarda suv cedvelleri tayin etilmeycek, dep bildirdi. Onıñ aytqanına köre,eali içün suv berilüvi 2021 senesi mart ayınace sıñırlanmaycaq. Kadıkov ocağındaki gölden Aqyarğa suv bermek içün Rusiye arbiyleri «Zolotaya Balka» işhaneniñ yüzüm bağlarından borular çekti. Yerli Rusiye akimiyetniñ malümatına köre, bu leyhanıñ fiyatı – 350 million ruble teşkil etken.

Qırım ve Aqyarda suv qıtlığını yoq etmek içün keñiş bir programma oktâbrniñ 8-nde qomşu Rusiyede ükümetniñ oturışında tasdıqlandı. 2020 senesi noyabr ayında Rusiyeniñ Mudafaa nazirligi, şeerni suvnen temin etmek içün arbiyler Kadıkov ocağında tulumba stantsiyasını tesbit etecekler, dep bildirgen edi.

Ukraina, Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminlegen edi. 2014 senesi Rusiye Qırımnı işğal etken soñ yarımadağa suv berilmesi toqtatıldı.

Kadıkov ocağı bugünde nasıl olğanını – fotogalereyamızda seyir etiñiz.