Link açıqlığı

Kiyevde cumaaqşamı, iyün 26 künü, Qırımtatar bayraq Kününi qayd etecekler. Tedbirler Kiyevde qırımtatar cemiyeti ve cemaat faaliyetçileriniñ yardımı ile Sofiya meydanında keçirilecek.

Qırımtatar bayraq Künü munasebeti ile Kiyev merkezinde motoyürüşniñ keçirilmesi planlaştırıla, mında er istegen insan iştirak ete bilecek.

Kolona Sofiya meydanında saat 18:30-19:00 toplanıp, Vladimir soq. – B.Hmelnitskiy soq. – Kreşçatik soq. – Lesâ Ukrainka bulv. – Drujba Narodov bulv. – Krasnozvözdnıy cad. – Ğalebe cad. – T.G.Şevçenko buv. – Kreşçatik soq – B.Hmelnitskiy soq. – Vladimir soq. – Sofiya meydanı ürüş yolu ile keçecek.

Qırımda Meclis Qırımtatar bayraq Künü munasebeti ile tedbirlerni «Borçoqraq» mikrorayonında keçirmege planlaştıra. Yerli «akimiyet»niñ yasağına baqmadan, avtoyürüş keçirilecektir. Mecliste işbu avtoyürüş iştirakçiler içün nevbetteki cezalar ile belgilenecegini qayd eteler.

Meclis Aqmescit yolbaşçılığından tedbirlerniñ şeer merkezinde keçirilmesi ile bağlı bir qaç menfiy qarar alğan edi.

İlk sefer Qırımtatar bayraq Kününi Qırımda 2010 senensi iyün 26 künü Aqmescit merkeziy Lenin meydanında qayd ettiler.

XS
SM
MD
LG