Link açıqlığı

Kiyevde iyün 16-na keçer gecesi Ukraina, Rusiye ve Avropa birliginiñ iştiragi ile gaz fiyatı boyunca üç taraflama muzakereler neticesiz yekünlendi, dep haber ete Azatlıq Radiosı.

Haber agentliklerniñ malümatına köre, «Naftogaz Ukrainı» isse senetli şirketiniñ başı Andriy Kobolev 2009 senesi qabul etilgen muqavele şartlarını ğayrıdan baqıp çıqmaq ricası ile Stokgolm arbitraj mahkemesine muracaatta bulunmağa azır olğanını bildridi.

Rusiyede razılışmağa kelmege istegi yoq edi. Ukraina sıñırlı gaz teminlevine azırdır. Bunı Ukraina energetika ve kömür sanayi naziri Yuriy Prodan bildirdi.

«Gazprom»nıñ resmiy temsilcisi Sergey Kupriyanov öz şirketiniñ mevamını tasdiqladı: eger de iyün 16 künü saat doquzğa «Naftogaz» 1 milliard 950 million dollar miqdarında borcunı ödemese, teminlev evel ödeme rejimine keçecek.


Keçken afta baş nazir Arseniy Yatsenük Ukraina biñ kubometr içün 100 dollar endirimge razı olmağanını bildirdi. Ukrainanı yañı muqavelede belgilengen çarşı fiyatı meraqlandıra, dedi baş nazir.
XS
SM
MD
LG