Link açıqlığı

Qırımtatar halqınıñ Vatanğa qaytmaq içün küreşine ve milliy lider Mustafa Cemilevge bağışlanğan eki kitapnı iyün 6 künü Kiyevde taqdim ettiler, dep haber ete Ukrinform.

«Ceennem kördik. Qırımtatar halqınıñ sürgünligi 70 yıllığına» ve «Mustafa Cemilev: nice yıllar devamında qırımtatar halqınıñ sesi eşitilmedi…» serlevalı kitaplar ukrainliler arasında işbu mevzular boyunca malümat qıtlığını tolduracaqtır, dep tüşüne «Stilos» neşriyat eviniñ müdiri Olena Bondarenko.

«Bu kitapnıñ bir qısmı vesiqalardan ibaret, ilk evelâ qıtaiy Ukrainada yaşağan ve bu mesele aqqında az bilgen ukrainliler içün yazılğandır», – dedi o.

Onıñ sözlerine köre, çoqusı tüşüne ki, qırımtatarlarnıñ esas meselesi – 1944 senesi mayıs 18 kününde olğan sürgünligidir.

«Faqat bu büyük bir felâketniñ, büyük facianıñ başlanması edi. Biz bu halqnıñ soñra körgen adiselerni, 45 yıl devamında sürgün etüv yerlerle yaşap, halqnıñ küreşi toqtatmağınını köstermege tırıştıq», – dey Bondarenko.

Öz nevbetinden tarihçı Gülnara Bekirova – kitaplarnıñ muarrir ve tertipçisi qayd etti ki, bugün qırımtatar halqınıñ genotsidiniñ yarım biñ şaatlığı toplanılğandır.

Qırımtatar halqınıñ lideri Mustafa Cemilev iyün 3 künü Varşavada demokratiya ve insan aqlarınıñ qorçalavı oğrunda etken areketleri içün «Birdmelik» mukâfatı ile taqdirlenildi. Mukâfatnı laureatqa Varşavada Poloniya prezidenti Bronislav Komorovskiy Poloniya sabıq başı Leh Valensa ile taqdim ettiler. Mahsus bu tedbirde iştirak etmek içün Poloniya paytahtına diger memleketlerniñ bir sıra liderleri keldi.

Mustafa Cemilev bu mukâfatnı qırımtatar halqına ve Ukrainağa kösterilgen maneviy destek olaraq tanıy.
XS
SM
MD
LG