Kyivdeki VDNH merkezinde aprelniñ 25-nden 28-ne qadar «Kitap memleketi» («Knıjkova krayına») festivali ötkerilecek, tedbirlerniñ bir qısmı Qırım mevzusına bağışlanacaq.
Aprelniñ 25-nde «Yarımadanı yañıdan açıp: zemaneviy ukrayın edebiyatında Qırım» körüşüvi ötkerilecek.
Tedbir spikerleri arasında – «Qırım inciri» edebiyat leyhasınıñ qurucısı Alim Aliyev, yazıcı İrina Slavinskaya, «Tuz evi» («Dom soli») romanınıñ müellifi Svetlana Taratorina. Körüşüvni rejissör ve arbiy Ahtem Seitablayev alıp baracaq.
Körüşüv saat 19:00-da №5 pavilyonda başlanacaq.
Aprelniñ 25-nde Aleksandra Şutkonıñ «Krovavaya Kava» ve «Po sledam Roksolanı» kitapları muzakere etilecek, bu kitaplar sultan Suleymannıñ Qırımdaki balalığı ve gençligine bağışlana.
Körüşüv saat 17:00-de №1 pavilyonda başlanacaq.
Aprelniñ 28-nde Yevgeniya Genovanıñ «Qırımtatar qorantaları» kitabınıñ taqdim etilmesi beklenile. Tedbir iştirakçileri bir ağrı ve evge, serbest Qırımğa qaytmaq arzusınen birleşken 14 dramatik ikâyeni diñleycek.
Tedbirde kitap müellifi, Ukrayına sportçısı ve siyasetçi Fevzi Mamutov, Qırımtatar resurs merkeziniñ reisi Eskender Bariyev iştirak etecekler.
Taqdim merasimi saat 15:00-te №1 pavilyonda başlanacaq.
Festival programmasını mında baqmaq mümkün.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
