Link açıqlığı

Kiselövnıñ adamları Enver İzmaylovnı festivalde iştirak etmege qandıralar


Koktebel Jazz Party festivalniñ teşkilâtçıları belli qırımatatr gitaracı-virtuoz Enver İzmaylov ile muzakerelerni keçire.

Bunı matbuat konferentsiyada festivalniñ art-müdiri Mihail Konnikov bildirdi, dep haber ete 15minut.

«Enver İzmaylov ile añlaşırmız dep ümüt etem. Onıñ şu künleri kontsertleri bar ve onıñ iş cedveli bizimkiden biraz farqlana. Amma bu meseleni çezermiz, menimce: bizde dört kün bar, şunıñ içün çare taparmız», – dedi Konnikov.

O şunı da qayd etti ki, çalğıcılarnı festivalge toplamaq qıyın degil edi: red kibi bir şeyler yoq edi, çetel artistleri de Qırımğa kelecekler.

Hatırlatamız, rusiyeli şamatalı alıp barıcı Dmitriy Kiselöv Odessağa avuşqan Koktebel Jazz Festivalniñ yerine başqasını taptı.

Kiselövnıñ sözlerine köre, festivalni onıñ başlığında olğan «Rossiya segodnâ» halqara haber agentligi keçire. Ve Qırım içün muzıkağa bücet parasını marsaf etmeycekler.
XS
SM
MD
LG