Aqmescit rayonınıñ Yañı Sarabuz (Ukromnoye) köyünde kimligi yeblli olmağan insanlar qırımtatarı Tair Seydametovnı hırsızladı, dep haber ete «Qırım birdemligi» hırsızlanğannıñ soy-soplarına esaslanıp.
«Martnıñ 17-nde, aqşam saat 5-6-larda, Tair Yañı Sarabuz köyündeki eki doğmuş qardaşına ketti. Anda biraz oturğan soñ bir maşina keldi, eki doğmuş qardaşı kördi, bir yengil maşina, yolsuzyürer, yol kenarında çoq turdı ve buña diqqat etti. Tair qulaq asmadı. Qardaşı maşinalar o qadar turmay dese, birden beyaz «Gazel» keldi, anda 6-7 insan abr edi. Eki doğmuş qardaşı çıqtı ve oña aytqanlar: «Tairni çağır». Başta cevap bermege istemedi. Olar Tairniñ anda olğanını bile dep aytqanlar, delil köstergenler ve Tair çıqtı. Emin olıp, maşinağa mindirgenler», – dep bildire Seydametovnıñ qız qardaşınıñ aytqanlarını «Qırım birdemligi».
Al-azırda bulunğan yeri aqqında bir malümat yoq.
«Qırım ğayesi» cemaat aq qorçalayıcı teşkilâtı soñki yılda Qırımda 12 insan hırsızlandı, dep bildirgen edi. Eki kişi soñra azatlıqqa çıqtı, eki insan cinaiy davanıñ mabüsleri oldı. 8 kişiden bir haber yoq.
Bir sıra şaatlıqqa baqmadan, Rusiye akimiyeti Qırımda insan aqları bozulğanını inkâr ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
