Qırımda mahsus iqtisadiy zonası infrastrukturası içün tartıp alacaqlar.
«Vedomosti» gazetası bildirgenine köre, Moskvanıñ yañı territoriyasında yapılğanı kibi, Qırımda da topraqlar infrastruktura yaratmaq içün alınacaq. Topraqnı tez alınması Qırımda mahsus iqtisadiy zona yaratmaq aqqında qanunında yazılğan.
Bütün Qırım toprağı 49 yılğa mahsus iqtisadiy zona (MİZ) olaraq tayinlendi. MİZ Qrımğa Rusiyeden para kelmesi, Qırım ve Aqyar gur inkişaf etilmesine sebep olur, dep ayta edi Vladimir Putin.
İnfrastrukturanıñ qurulışı içün topraq ve taşınmaz mallarnı almaq kerek olur. Qanun leyhasında topraq ve taşınmaz malnı em kiracılardan em de saiplerden alması közde tutula.
Amma şimdi almağa şey yoq, çünki topraq içün vesiqalar ukrain qanunlarğa köre berilgen ve topraq damartıları ayrılmağan.
Federal memurlerden birisi topraq alınması çoq vaqıtqa sozulacaq dep ayttı. Amma qanun leyhasında bu problemniñ çezilüvini de yazğanlar: alınacaq topraq saibi adından kadastr işlerini memurlar özüleri başlata bile. Topraq saibine qarar alınğan soñ yedi kün devamında haber eteler. Mülkçü üç ay devamında berilgen tazminge razı olmaq kerek, aks alda o topraqnı mahkeme qararı ile alacaqlar. Bu qararnı kene de mahkemede lâğu etmek içün saipniñ 10 künü olacaq.
Amma al-azırda bu qanun leyhası üstünde daa çalışalar dep bildidi gazetağa İqtisadiy inkişaf nazirliginiñ temsilcisi.
«Vedomosti» gazetası bildirgenine köre, Moskvanıñ yañı territoriyasında yapılğanı kibi, Qırımda da topraqlar infrastruktura yaratmaq içün alınacaq. Topraqnı tez alınması Qırımda mahsus iqtisadiy zona yaratmaq aqqında qanunında yazılğan.
Bütün Qırım toprağı 49 yılğa mahsus iqtisadiy zona (MİZ) olaraq tayinlendi. MİZ Qrımğa Rusiyeden para kelmesi, Qırım ve Aqyar gur inkişaf etilmesine sebep olur, dep ayta edi Vladimir Putin.
İnfrastrukturanıñ qurulışı içün topraq ve taşınmaz mallarnı almaq kerek olur. Qanun leyhasında topraq ve taşınmaz malnı em kiracılardan em de saiplerden alması közde tutula.
Amma şimdi almağa şey yoq, çünki topraq içün vesiqalar ukrain qanunlarğa köre berilgen ve topraq damartıları ayrılmağan.
Federal memurlerden birisi topraq alınması çoq vaqıtqa sozulacaq dep ayttı. Amma qanun leyhasında bu problemniñ çezilüvini de yazğanlar: alınacaq topraq saibi adından kadastr işlerini memurlar özüleri başlata bile. Topraq saibine qarar alınğan soñ yedi kün devamında haber eteler. Mülkçü üç ay devamında berilgen tazminge razı olmaq kerek, aks alda o topraqnı mahkeme qararı ile alacaqlar. Bu qararnı kene de mahkemede lâğu etmek içün saipniñ 10 künü olacaq.
Amma al-azırda bu qanun leyhası üstünde daa çalışalar dep bildidi gazetağa İqtisadiy inkişaf nazirliginiñ temsilcisi.
