Rusiyeniñ büyüklik istegi, ilk olaraq nezaret şartlarınıñ yaratılmasını közde tuta. Rusiye Qırımnı ilhaq etkeninden soñ, yarımadanınıñ aliy tasilinde deñişmeler başlandı. Bu, "Qırım Federal Universitetiniñ" yaratılmasınen başladı (2014 senesi avgust 4-ünde Rusiye akimiyetniñ № 1465-р qararınen yaratıldı).
Büyük tozyutar kibi, KFU bir yıl devamında Qırım yarımadasınıñ (Aqyardan ğayrı) aman-aman bütün aliy oquv yurtlarını özüne "çekip aldı". Başta onuncı federal universitetiniñ terkibine Qırımnıñ 8 akademiyası ve institutı, 5 kolleci ve merkezi, 11 filialı ve 7 ilmiy teşkilâtı kirdi. Biraz keççe KFU başqa oquv yurtlarını ve ilmiy teşkilâtlarnı da (cedveli aşağıda - müel.) "qoşıp aldı". Ve şu vaqıt "uçurumğa" alıp ketken yol başlandı.
KFU, Qırım oquv yurtlarını "yutqan" soñ, studentlerniñ sayısı 30%-ğa azlaştı
Rusiye ilhaqından evel Qırımda 60 biñge qadar student oqusa, KFU, Qırım oquv yurtlarını "yutqan" soñ, olarnıñ sayısı 30%-ğa azlaştı. 10 biñden çoq yarımada studenti qıta Ukrainanıñ oquv yurtlarına avuştı, daa bir qaç biñ - qomşu Rusiyeniñ universitetlerine, bundan ğayrı abiturientlerniñ miqdarı azlaştı.
Yıl-yıldan KFU talebeleriniñ sayısı eksile. Bu yıl da istisna degil - umumen KFU stutentlerniñ miqdarı 6%-ğa (1878 adamğa) azca oldı.
Böylece, KFU studentleriniñ azlaşmasınen oquv fiyatınıñ öskeni, ilhaqtan soñ Qırımda aliy tasiliniñ vaziyeti pek qıyın olğanını açıq-aydın köstere.
2019 yılınıñ başında KFU terkibine böyle oquv yurtları kire edi:
- Tavriya akademiyası
- S. İ. Georgiyevskiy adına Tibbiy akademiya
- Qurucılıq ve mimarlıq akademiyası
- Fizika ve tehnika institutı
- İqtisadiyat ve idare institutı
- Gumanitar pedagogika akademiyası
- Kezlev İçtimaiy ilimler institutı
- Pedagogika tasili ve menecment institutı
- Aqyar iqtisadiyat gumanitar institutı
- Tavriya kolleci
- Tibbiy kollec
- Bağçasaray qurucılıq, mimarlıq ve dizayn kolleci
- Çiftçilik-sanayı kolleci
- Pribrejnoye agrar kolleci
- Gidromelioratsiya ve köy hocalığınıñ mehanizatsiya tehnikumı
Oleg Ohredko, “Almenda” şirketiniñ ekspert ve analitigi
«Bloglar» rubrikasında bildirilgen fikir-tüşünceler müelliflerniñ baqışlarını aydınlatıp, muarririyetniñ fikirlerinen aynı olmaması mümkün
