Kezlevniñ (Yevpatoriya) bir qısmı fevralniñ 16-sında tamir işleri sebebinden suvsız qalacaq. Bunı "Voda Krıma" müessisesi haber ete.
"Saat 9:30-dan saat 17:00-gece Mirnıy qasabasında Şkolnaya, 2 soqağında suv ağında yapılacaq tamir işleri sebebinden böyle adresler boyunca suv olmaycaq: Şkolyanaya soq., 2, Sirnikova soq., 6,7", - denile beyanatta.
Bundan ğayrı müessisede haber ettiler ki, Mirnıy qasabasında Sırnikova soq., 22 adresi boyunca saat 17:00-gece böyle adresler boyunca suv olmaycaq: Sırnikova soq., 23, 24, 25, 25а, 26, 28, 28а, 29, 30, 31.
Bundan evel Aluştanıñ bir qısmı cumaaqşamı künü, fevralniñ 6-sında, saba saat 9-dan aqşam saat 16-ğace suvsız qaldı.
Ukraina, Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminlegen edi. 2014 senesi Rusiye Qırımnı işğal etken soñ yarımadağa suv berilmesi toqtatıldı.
Qırımdaki suv yedekleri suv anbarları ve yerastı çoqraqlardan toldurıla. Ekologlarnıñ aytqanına köre, yerastı çoqraqlarnıñ muntazam sürette qullanılması yarımadada topraqnı tuzlattı. Qırım akimiyeti yarımada sakinlerini suvnı az qullanmağa çağıra.
