Kezlevde noyabrniñ 23-nde patlavlar oldı, dep bildire Rusiye ve Qırım Telegram kanalları.
«Krımskiy veter» kanalı abunecileriniñ malümatına esaslanıp, neticesinde «yer titregen» «küçlü patlavlar» aqqında yaza. Sesler Tereşkova yalısı yaqınlarında eşitildi.
Patlav sesleri aqqında «ÇP/Krım» ve «Yevpatoriya ÇP» kanalları, «VKontakte» içtimaiy ağındaki saifeler haber etti. Olarnıñ malümatına köre, küçlü sesler Rusiye arbiyleriniñ talimlerinen bağlı ola bile.
Kezlevniñ Rusiye yolbaşçısı vazifelerini vaqtınca eda etken Aleksandr Loskutov Telegramda laf Rusiye gvardiyasınıñ şeerde keçirgen «planlı talimleri» aqqında kete, dep bildirdi.
Noyabrniñ 23-nde Rusiye kontrolindeki Aqyar yolbaşçısı Mihail Razvojayev şeerdeki patlavlar Rusiye arbiyleriniñ talimlerinen bağlı, dep bildirdi.
Qırım.Aqiqat mühbiri bildirgenine köre, Aqyarda noyabrniñ 22-nde aqşam patlavlar oldı. Şeerniñ merkezinde eşitildi. Sakinler atıcı silâdan ateş açıldı, dep ayttı.
Aqyarnıñ Rusiye yolbaşçısı Mihail Razvojayev uçucısızlarnıñ ücümleri sebebinden ava mudafaa sistemasınıñ işi aqqında bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
