Kezlevde ukrain şairesi Lesâ Ukrayınkanıñ hatıra tahtası sındırılğanını bildireler. Bu aqta yerli sakinler aprelniñ 23-nde içtimaiy ağlarda haber ete.
Qırılğan hatıra tahtasınıñ fotoresimi «VKontakte» içtimaiy ağındaki şeer gruppasında derc etildi.
«Tarihımıznı yoq etmege kimniñ aqlına kelgen eken», – dep qayd etti içtimaiy ağnıñ qullanıcısı.
Fotoresim tefsirlerinde kezlevlilerniñ çoqusı belli olmağan vandallarnıñ areketlerini takbih etti.
Lesâ Ukrayınkanıñ hatıra tahtası Revolütsii soq., 41/24 adresindeki tarihiy binada asılğan. 1891 senesi bu evde ukrain şairesi yaşağan edi. Hatıra tahtası 1952 senesi tiklengen edi.
Ukrain şairesi, yazıcı, Terciman Lesâ Ukrayınka Qırımda üç yıl yaşadı. Qırımğa «Qırım hatıraları» ve «Qırım sedaları» şiirlerini bağışlağan edi.
