Kezlevde iyül 1-inden başlap tramvaylarnıñ çalışma saatları uzatılacaq. Bu aqta "İ.A. Pâtetskogo adına tramvay idaresi" müessisesine esaslanıp şeerniñ rusiyeli memuriyetiniñ matbuat hızmeti bildirmekte.
"Simferopolskaya soq. - Sputnik-2" №1 ve "Ukraina" musafirhanesi - Demiryol vokzalı" №3 marşrutlarında tramvaylar saat 6-dan 23.30-ğace yürecek; "Şeer teatri - Liman" №2 marşrutında - saat 6-dan 23-kece; "Simferopolskaya soq. - "Yañı plâj" №4 marşrutı ise - saat 6-dan 20-gece.
Müessiseniñ malümatına köre, №1 marşrutında "Simferopolskaya soq." turağından "Sputnik-2" tarafına ve "Sputnik-2" turağından "Simferopolskaya soq." tarafına soñki tramvaylar saat 22:10 çıqacaq.
