Kezlevde uquq qoruyıcılarnıñ talimleri keçirilecek, dep bildirdi şeerniñ Rusiye memuriyetiniñ yolbaşçısı Yelena Demidova.
«Ştormovoye tarafında talimler keçirilecek. Patlavlar eşitile bile», – dep yazdı o, Telegram kanalında.
Soñki vaqıtları Rusiye arbiyleri Kezlevde daa sıq talimler keçirip başladı. Bundan evel Rusiye Federatsiyasınıñ arbiyleri şeerde iyünniñ 6-nda ve mayısnıñ 23-nde, mayısnıñ 16-nda ve 6-nda talimler keçirdi.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
