Kezlev sakinleri şeerde küçlü patlav eşitilgenini içtimaiy ağlarda haber ete.
VKontakte ve Facebookta «Sanatorskaya-Kirov soqaqları rayonında küçlü patlav» olğanını yazalar. Dambırdı şeerniñ bütün rayonlarında eşitildi.
Kezlev sakinleri patlav sebeplerini bilmey. Yahta klubı yanında mahsus qurtarıcı topu patlatıldı, dep tahmin etile.
Qırımdaki Rusiye qurtarıcıları bu aqta bir şey haber etmey.
Qırım.Aqiqat, Qırımdaki Rusiye Fevqulâde vaziyetler nazirliginiñ hadimlerinden izaatlar alıp olamay.
