O, Rusiye Federatsiyasınıñ "Herson vilâyetiniñ şeer organları ve fevqulâde vaziyetler hızmetinde" yolbaşçınıñ birinci muavini vazifesini aldı, dep haber ete Herson vilâyet prokuraturası.
Ukrayina tahqiqatınıñ malümatına köre, 58 yaşındaki Kezlev sakini, Rusiye istilâsı ve işğalinden soñ Herson vilâyetine keldi. 2022 senesi iyül ayında vilâyet fevqulâde vaziyetler hızmetinde vazife aldı.
"Adam işğalcilerniñ emirlerini yerine ketirgen, qanunsız organnıñ işini teşkil etken, zapt etilgen yanğın bölüginiñ maddiy bazasını qullanğan, astlarındaki insanlarnıñ işini nezaret etken", – dep aytıla haberde. O, on yılğa qadar apis cezasını ala bile.
Ukrayina prezidentiniñ Qırım Muhtar Cumhuriyetindeki temsilcisi Tamila Taşeva bildirdi ki, "Qırımnıñ işğalden azat etilmesinden soñ Ukrayinanıñ esas vazifelerinden biri - yarımadanıñ Rusiye tarafından ilhaq etilmesine yardım etkenlerni tapmaq ve mesüliyetke çekmektir". Onıñ aytqanına köre, insanlıqqa qarşı cinayetlerni ve arbiy cinayetlerni yapqanlar, insan aqlarını bozğanlar ve genotsid kibi tanılğan cinayetlerni yapqanlar mesüliyetke çekilmeli.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
