Link açıqlığı

Saatnıñ esas haberi

Keriç ve Kefede mayın qoyulğanı aqqında haberlerden soñ medeniyet ve tasil müessiseleri tahliye etile – kütleviy haber vastaları


Aqmescitte balalarnıñ tahliye etilüvi, nümüneviy fotoresim
Aqmescitte balalarnıñ tahliye etilüvi, nümüneviy fotoresim

Keriç ve Kefede medeniyet ve tasil müessiselerine mayın qoyuldı, dep haber etildi, Rusiye uquq qoruyıcıları insanlarnı tahliye ete, dep yaza Rusiye kütleviy haber vastaları Rusiye kontrolindeki şeer memuriyetleriniñ malümatına esaslanıp.

«Mektep, bala bağçaları, medeniyet müessiseleri, memuriy binalarda mayın haberlerinden soñ tahliye yapıla», – dep bildire Kefeniñ Rusiye memuriyetiniñ malümatını «RİA Novosti» neşiri.

Keriçte mayın haberleri sebebinden bir qaç medeniyet ve tasil müessiseleriniñ tahliyesi aqqında TASS Rusiye haber agentligine Rusiye kontrolindeki şeer yolbaşçısı Svâtoslav Brusakov da bildirdi.

Şimdi Rusiye uquq qoruyıcıları mezkür haberlerni teşkere.

Qırım ve Aqyarda sahte mayın haberleri sebebinden içtimaiy obyektlerniñ tahliyesi aqqında sıq-sıq bildireler. Bıltır oktâbr ayında Rusiye kontrolindeki Qırım yolbaşçısı Sergey Aksenov toqtamayıp kelgen mayın haberleri sebebinden mektep talebelerini uzaqtan tasilge aluv imkânlarını baqqan edi.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG