Link açıqlığı

Saatnıñ esas haberi

Keriç ve Aluştada tamir işler sebebinden suv berilüvini sıñırladılar – vodokanal


Nümüneviy resim
Nümüneviy resim

Mayısnıñ 1-nde Keriç, Aluşta ve Dolinka köyünde (Krasnoperekopsk rayonı) suv berilüvini sıñırlağanlar. Bunı «Voda Krıma» müessisesiniñ matbuat hızmeti haber etti.

«Dolinka köyünde saba saat 9-dan aqşam saat 5-kece. Keriçte saba saat 8 yarımdan aqşam saat 9-qace Kavkazskaya 21, 19, 17, 15, 2/5, 12/5, 18, 19, 22/5, 3, 5 soqağında; Remeslennaya, Raboçaya, Deykalo, Mayak aralıqlarında. Aluştada tamir işler sebebinden mayısnıñ 1-nde aqşam suv saat 11-gece (aqşam saat 7-den) suv olacaq», – dep yazıla bildirmede.

Qırımnıñ Rusiye ükümeti bildirgenine köre, yarımadanıñ suv teminatı ile «eñ yaramay stsenariyge» azırlanalar.

Kreml kontrolindeki Qırım yolbaşçısı Sergey Aksenovnıñ bildirgenine köre, Rusiye Qırımnıñ suv teminatı vaziyeti fevqulâde olğanını tanıy. O, 2020 senesi 150 yıl içinde eñ quru oldı, dep bildirdi.

Куда исчезает вода крымчан | Крым.Реалии ТВ (видео)
Bekleñiz, lütfen

No media source currently available

0:00 0:26:43 0:00

Qırımnıñ suv teminlevi

Ukraina, Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminlegen edi. 2014 senesi Rusiye Qırımnı işğal etken soñ yarımadağa suv berilmesi toqtatıldı.

Qırımdaki suv yedekleri suv anbarları ve yerastı çoqraqlardan toldurıla. Ekologlarnıñ aytqanına köre, yerastı çoqraqlarnıñ muntazam sürette qullanılması yarımadada topraqnı tuzlattı. Qırım akimiyeti yarımada sakinlerini suvnı az qullanmağa çağıra.

2020 senesi Qırımdaki suv teminlevi vaziyeti kritik oldı. Qırımlı alimlerniñ bildirgenine köre, yağanaqlar yağmağanı içün ve qar az yağğan qış neticesinde qurğaqlıq oldı.

Avgustnıñ soñunda Aqmescitte, Aqmescit ve Bağçasaray rayonlarında suv berüv cedvelleri kirsetilgen edi. Daa soñra Qarasuvbazarda, Qarasuvbazar rayonında ve qısmen Aluştada cedveller kirsetildi.

Kreml kontrolindeki Qırım yolbaşçısı Sergey Aksenov Rusiye Qırımnıñ suv teminlevini fevqulâde vaziyet olaraq tanıması mümkün, dep ayta. O, 2020 senesi 150 yıl içinde eñ quru oldı, dep bildirdi.

Rusiye akimiyeti yañı suv boruları, suv qoralarınıñ quruluvına ve quyu qazıluvına milliardlarnen ruble ayırdı.

BM Ukraina Monitoring missiyası, halqara uquqqa köre, Rusiye Qırım ealisini suvnen temin etüvden mesüliyetli ola, dep israr ete.

Resmiy Kyiv, Şimaliy-Qırım kanalından suv yarımadağa tek Qırım işğalden qurtarılğan soñ berilecek, dep bildire.

XS
SM
MD
LG