Keriçniñ merkeziy soqaqlarını suv bastvı, yollarda Rusiye polisi inspektorları tura, olar aydavcılarnı suv basqan yerlerge kirsetmey. Qırım.Aqiqat mühbiriniñ bildirgenine köre, 50 yıllıq Oktâbr stadionı rayonında suv seviyesi maşinalarğa keçmege imkân bermmey, ketken bazı insanlarnıñ köksüne qadar suv kele.
Samoylenko soqağı, Kirov soqağınıñ bir qısmı, ATS rayonı, merkeziy ve kötere bazarlarnı suv bastı. Suv Samoylenko ve Karl Marks soqaqlarınıñ çaprazında köterile.
Esas naqliyat çezilüvleri olğan şeer rayonlarını suv bastı, şunıñ içün aydavcılar Keriçniñ Voykovo ve Arşintsevo rayonlarından kelmek içün başqa yollarnı qıdırmağa mecbur.
Qırım.Aqiqat mühbiriniñ bildirgenine köre, al-azırda şeerniñ bir rayonından başqasına barmaq içün aydavcılar bayağı yol keçip, ya Qıdırlezden, ya da Bondarenkovo qasabasındank keçmege mecbur.
Avgustnıñ 16-nda saba Yedi Quyu rayonındaki Qıdırlez özeni yağğan yağmurlar neticesinde kene taştı.
Qırım.Aqiqat mühbiriniñ bildirgenine köre, küçlü aqımlar Keriç tarafına kete.
Hatırlatamız, avgustnıñ 13-nde saba yağğan küçlü yağanaqlar sebebinden Keriçniñ merkeziy soqaqlarını suv bastı. Qırım.Aqiqat mühbiri, Qırımnıñ Yedi Quyu rayonında sağanaqlar neticesinde Melek Çeşme özenine kirgen Qıdırlez özeni suv toldı, özen aqımlar Keriçke ketti.
Qırımdaki Rusiye Fevqulâde vaziyetler nazirliginiñ idaresi Keriçte yağmur suvlarınıñ taşqın yollarında vaqtınca bentler quruldı, dep bildirdi.
