Keriç köprüni FSB-niñ 6 kateri ve 5 gemisi qaravullay, dep bildirdi Ukrayina Arbiy deñiz quvetleriniñ temsilcisi Dmıtro Pletençuk.
Onıñ sözlerine köre, rusiyeliler qoralar sistemasını da quralar.
"Olar qoralar sistemasını quralar ve bu ilk nevbette bon qoralarıdır. Köpürni er angi darbelerden qorumağa tırışalar. Olarnıñ areketleri eñ yahşı cenübiy yönelişte körüne", - dep qayd etti o.
Avgustnıñ ortasında Ukrayina Arbiy deñiz quvetleriniñ spikeri Keriç köprü civarındaki patlavlardan soñ rusiyeliler onıñ muafazasını quvetleştirdiler, dep bildirgen edi.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
