İyülniñ 21-nde Ukrayina prezidenti Volodımır Zelenskıy Qırımnı Rusiye ile bağlağan Keriç köprü Moskvanıñ istilâsı içün kerek ve yoq etilmek kerek, dep bildirdi. Bunı CNN haber ete.
"Keriç köprü bu yalıñız logistik yol degil, bu arbiy yedeklerni naqil etmek içün de qullanğan yoldır", - dep bildirdi Zelenskıy.
Ukrayina lideri köpürni Rusiyeniñ Qırımnıñ işğal cinayetiniñ devamı olaraq saya ve inşaatnı "qanundan, halqara qanunlardan ve ameldeki qaidelerden tış qurulğan duşman obyekti" olaraq adlandırdı.
"Elbette bu bizim maqsadımız. Barışıq degil de, cenk nişanı olğan er şey yoq etilmeli", - dep qayd etti Zelenskıy.
Ukrayina prezidenti devletniñ maqsadı Qırımnı qaytarmaqtır, dep qayd etti.
"Bu bizim suveren toprağımızdır, devletimizniñ ayırılmaz parçasıdır", - dep ayttı o.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
