Link açıqlığı

Saatnıñ esas haberi

Keriç köprü tüsses içinde – Aksönov eki raketa urıp tüşürilgenini bildirdi


Keriç köprü

Saat 13:00-te Keriçte bir qaç patlav sesi eşitilgen. Bunı Qırım.Aqiqat mühbiri bildirdi. Haber etilgeni kibi, patlavdan sebep şeerniñ merkezindeki evlerde pencere camları titregen.

Patlav sesleri Keriçniñ diger rayonlarında da eşitilgen, şu cümleden şeerniñ tışında, Azaq ve Qara deñizleri yalısında.

Qırımnıñ işğal yolbaşçısı Sergey Aksönov Keriç köprüne ücüm etilgenini bildirdi. Onıñ sözlerine köre, Keriç boğazı civarında eki qanatlı raketa urıp tüşürilgen.

"Keriç boğazı civarında Ava mudaafası quvetleri tarafından eki duşman raketası urıp tüşürildi. Qırım köprü zarar körmedi", - dep yazıla bildirmede.

Yerli telegram kanalları Keriç köprü etrafında tüsses foto ve videolarını yayınladı. Aksönovnıñ mesleatçısı Oleg Krüçkovnıñ biraz soñra bildirgeni kibi, bu "mahsus hızmetlerniñ tüsses peredsidir".

Ukrayina onıñ ücüm etmesine dair qabaatlavlarnı izaatlamay.

Avgustnıñ 12-ne keçken gecesi Qırımğa dronlar ile ücüm etilgen. Bunı Qırımnıñ Rusiye yolbaşçısınıñ mesleatçısı Oleg Krüçkov bildirdi.

Ukrayina "Cenüp" operativ komandanlığınıñ spikeri Natalâ Ğumenük gece Qırımğa dronlar ücümi ile bağlı Rusiyeniñ bildirmesini izaatladı. Onıñ sözlerine köre, bu bildirmeler ilk nevbette yarımada sakinleri içündir.

2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.
XS
SM
MD
LG