Keriç köprüniñ ögünde kene tıqanıqlıq peyda oldı Rusiye resmiy telegram kanalı, köpürdeki operativ vaziyet aqqında, Rusiye Federatsiyasından keçüvni beklegen aman-aman sekiz yüz naqliyat aqqında bildire.
"Taman tarafından nevbette 785 naqliyat tura. Bekleme müddeti tahminen üç saat. Keriç tarafından nevbette 60 naqliyat tura", —dep aytıla haberde.
Evel Mariupol şeer yolbaşçısınıñ mesleatçısı Pötr Andreuşçenko Rusiye akimiyeti Keriç köpründen keçüv qaidelerini sertleştirdi, dep bildirdi. Onıñ aytqanına köre, maşnalar sıñırdan keçkende kibi teşkerilmek kerek. Eki variant bar: skaner ve el teşkerüvi.
Keriç köprü Rusiye territoriyasından işğal etilgen Qırımğa esas naqliyatnı temin ete. Rusiye Federatsiyasınıñ Ukrayinağa tam miqyaslı istilâsı şaraitlerinde bu yönelişte vatandaş aviatsiya alâqaları qapatıldı. Onıñ içün köprüde eki qat yük bar edi. Adet üzre, o, baar ve yaz aylarında arta.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
