Link açıqlığı

Saatnıñ esas haberi

Keriç: bazar yanında pensionerler selden soñ atılğan sebzelerni alıp kete (+foto)


Keriç, kötere bazarınıñ yanı
Keriç, kötere bazarınıñ yanı

kötere bazarında çalışqanlar çöplük konteynerleriniñ yanına sebze çuvallarını qoydı

Keriçteki kötere bazarı yanında keçken afta olğan sel neticesinde bozulğan sebze ve meyva obaları peyda oldı. Bozulğan malnı pensionerler kelip ala.

Qırım.Aqiqat mühbiri bildirgenine köre, kötere bazarında çalışqanlar çöplük konteynerleriniñ yanına sebze çuvalları, meyva ve pomidor qutularını qoydı. Bundan soñ mında qazançları az olğan insanlar kelip başladı, esasen – pensionerler. Olar atılğan sebzelerni toplap, evlerine alıp kete. Bazıları büyük torbalarnen ve arabaçıqlarnen kele.

Qırım.Aqiqat mühbiriniñ qayd etkenine köre, kötere bazarınıñ qaravulı atılğan sebze ve meyvalarnı alğan insanlarğa bir şey aytmay. Keriçteki merkeziy bazar ise alâ daa qapalı qala: iş adamları bozulğan malnı çıqarıp ata, yerlerini yuva. Yerler arasındaki keçitler alâ daa çöplük tolu.

Yerli akimiyet Keriçte maddiy zarar aqqında 840 muracaat qabul etildi, dep bildirgen edi.

Yaltada ve şarqiy Qırımda keçken afta Qırımda olğan furtuna aqibetlerinen küreşmege devam eteler. Qırımnıñ Rusiye fevqulâde vaziyetler nazirligi idaresi bildirgenine köre, 2021 senesi iyünniñ 16-ndan 18-ne qadar küçlü yağanaqlar neticesinde 426 azbar, 356 ev, 18 içtimaiy ceetten müim obyektni suv bastı. Umumen suv basqan yerlerden 1783 insan tahliye etildi.

XS
SM
MD
LG