«Keriç yaqınlarında taktik-mahsus talimler keçirilecek: sentâbrniñ 17-nde saat 12:00-den sentâbrniñ 19-nda saat 13:00-ke qadar», – dep aytıla haberde.
Rusiye kontrolindeki Kefe şeer yolbaşçısı sentâbrniñ 17-nde şeerde «atış meşğuliyetlerini» ilân etti.
Bundan ğayrı, Ermeni Bazar Rusiye memuriyetiniñ yolbaşçısı Vasiliy Telijenko çarşenbe künü, sentâbrniñ 18-nde, şeerde Rusiye uquq qoruyıcı qurulışlarınıñ planlı talimleri olacaq, dep tenbiledi.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
