Rusiye Federatsiyasınıñ Cenübiy okrugınıñ arbiy mahkemesi Keriç sakinini demiryolunda terakt azırlağanında qabaatlap, mecburiy tedaviylevge psihiatrik hastahanege yolladı. Bu aqta Rostov vilâyeti boyunca FSB iddaresi haber ete.
"32 yaşındaki Keriç sakini, Ukrayina mahsus hızmetleri tarafından celp etilip, öz başına yapılğan patlayıcı cihaz yapmaq içün kerekli komponentlerni satın aldı ve olarnı öz dairesinde mahsus donatılğan gizli yerde saqladı. Patlayıcı cihaz terroristik areketni, yani demiryol yolunı patlatmaq içün yapılğan edi. Cenübiy okrugnıñ arbiy mahkemesi erkekni qabaatlı tanıp, tibbiy ceetten mecburiy tedbirler tayin etmege qarar aldı", – dep aytıla haberde.
Rusiye quvetçileri, qabaatlanğan kişi Keriçte demir yolunı patlatmaq niyetinde edi, dep bildirdi. Erkekke qarşı Rusiye Ceza kodeksiniñ 30 maddesiniñ 1 qısmına ve 205 maddesiniñ 1 qısmına istinaden cinaiy dava açıldı.
"Tribunal. Krımskiy epizod" aq qorçalayıcı leyhası, mahkümniñ yaşından ğayrı başqa malümat aydınlatılmay, dep bildirdi.
Bundan ğayrı, mahkeme saytında cemaatçılar, terroristik ücüm azırlağanında qabaatlav ükmü aqqında malümat tapamadılar, bu ise, haberniñ keçikme ile derc etilgenini köstere.