Resimlerni Amerika işçiligi institutınıñ tış ve mudafaa siyaseti tedqiqatları bölüginiñ talilcisi Bredi Afrik derc etti. O, iyülniñ 30-nda, avgustnıñ 4-nde ve avgustnıñ 13-nde yapılğan resimlerni qıyasladı.
İşğal etilgen Qırımğa muntazam sürette ücüm yapıla. Rusiye akimiyeti Ukrayına ordusını qabaatlay ya da talimler aqqında bildire. Kyiv tek bazı ücümlerge alâqası olğanını tasdıqlay.
Ukrayına milliy telükesizlik ve mudafaa şurasınıñ kâtibi Oleksiy Danılov Ukrayına telükesizlik hızmetiniñ Qırım (Keriç) köprüne qarşı eki darbege de alâqası olğanını tasdıqladı.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
