Saatnıñ esas haberi

Rusiye akimiyeti Keriç köpründe zarar büyükligini aydınlatmay

Keriç köprü. Arhiv fotoresimi
Keriç köprü. Arhiv fotoresimi

İşğal etilgen Qırımnıñ Rusiye akimiyeti noyabrniñ 16-nda Keriç köprüne yapılğan ücüm zararlarını şimdilik aydınlatmay. Yarımadanıñ operativ ştabı Qırım yolbaşçısınıñ mesleatçısı Oleg Krüçkovnıñ malümatına köre, "bütün malümat köpür baqılğan soñ berilecek".

İnfrastruktura zararları ve ketirilgen zarar aqqında resmiy malümat yoq. Rusiye ükümetiniñ baş nazir muavini Marat Husnulinniñ bildirgenine köre, zararlarğa qıymet kesile.

"Eñ yaqın vaqıtta bütünley ğayrıdan tiklevniñ müddetlerini añlaycaqmız. Bu vazifeni çezmek içün tecribe ve bütün kerekli resurslarımız bar", – dep qayd etti o.

Belli olğanına köre, köpürniñ demiryol qısmı zarar körmedi, tren areketi yañıdan başlandı, keç qalğan trenler ise Keriçke kelip çıqtı. Laf maşina yolunıñ zarar körmesi aqqında kete. Rusiye Naqliyat nazirligi köpürde reversiv areket başlatıla bile, dep bildirdi.

Rusiye memurları aydavcılardan resmiy malümat kelgenine qadar Krasnodar ülkesi tarafına çıqmamağa rica etti. Kuban tarafından köpürden evel eki qızdıruv noqtası çıla, dep bildirdi region valisi Veniamin Kondratyev. Bir danesi Taman rayonında, ekincisi teşkerüv kompleksi yanında yerleştirilecek. Anda qızıp çay içmek mümkün olacaq. Aydavcılar içün biotualet de qoyulacaq.

​
XS
SM
MD
LG