Saatnıñ esas haberi

Keriç köpründe areket revers rejiminde açıldı – Husnullin

Rusiye baş nazir muavini Marat Husnullin
Rusiye baş nazir muavini Marat Husnullin

Rusiye baş nazir muavini Marat Husnullin resmiy Telegram kanalıda Keriç köprüniñ maşina qısmındaki areket revers rejiminde başlatıldı, dep bildirdi.

Onıñ bildirgenine köre, köpürniñ vaziyetini şahsen baqtı ve zararlarğa qıymet kesti.

"Resurs, leyhacı ve qurucılarnı topladıq. Region reberlerinen logistikanen bağlı meselelerni çezemiz. Bütün işni keregi kibi teşkil etecekmiz. Tecribemiz bar, dep yazğan edim. Kerekli qararlar alındı, yolcu naqliyatı ve maşinalar köpürden keçecek, yükler ketirilecek. Maşina naqliyatınıñ revers areketi başlatıldı", – dedi o.

Qırım.Aqiqat yazğanına köre, al-azırda infrastruktura obyektiniñ zararına tam qıymet kesmek zor, amma maşina şeritiniñ kemerlerinden birinde deñişmelerni körmek mümkün. Köpürniñ uydu çekimleri de derc etildi.

Ukrayina Mudafaa nazirligi bu malümatnı izaatlamadı. Qırım.Aqiqat cenk vaziyetinde bu malümatnı teşkerip olamay.

​
XS
SM
MD
LG