Rusiye Keriç (Qırım) köprüni qorumaq içün qora qurmağa devam ete. Bunı Qırım.Aqiqatnıñ elinde olğan fotoresimlerde körmek mümkün.
Şaatlarnıñ aytqanına köre, Rusiye qora ve barjalarnı quvetleştirip, Keriç boğazındaki köpürni Ukrayına Silâlı quvetleriniñ deñiz dronlarından qorumağa ümüt ete.
Keriç köprüniñ yaqınlarında olğan yaldağan kran da qayd etildi.
«Krımskiy veter» Telegram kanalı «Keriç köprüniñ cenübiy-şarqiy qısmında qora qurğan» barjalarda qoyulğan kranlarnıñ işi aqqında haber etken edi.
Qırım.Aqiqat bildirgenine köre, Britaniya Mudafaa nazirligi istihbaratınıñ malümatına köre, Rusiye quvetleri «Keriç köprüni qorçalamağa» tırışıp, sekiz barjanı çekti. Britaniya istihbaratı qayd etkenine köre, uydu çekimleriniñ talili Keriç köprüniñ cenübiy tarafında sekiz barjanı taptı. Quruluv mayısnıñ 10-nda başlap, mayısnıñ 22-nde yekünlendi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
