Link açıqlığı

site logo site logo
Saatnıñ esas haberi

Qırımnıñ Rusiye parlamentiniñ spikeri Keriç köprüniñ foto ve videolarını çıqarmağa yasaqlamağa teklif ete


Keriç (Qırım) köprü, nümüneviy fotoresim
Keriç (Qırım) köprü, nümüneviy fotoresim

Qırımnıñ Rusiye parlamentiniñ spikeri Vladimir Konstantinov Keriç (Qırım) köpründe foto ve video çıqarmağa yasaq etmege teklif ete. Bu aqta o, TASS Rusiye devlet haber agentligine bergen intervyüsında ayttı.

«Qırım (Keriç) köprü – eki kere terror ücümlerine oğrağan mahsus inşaat. Bugünki terror telüke seviyesi olğance anda foto ve video çıqarmağa yasaqlar edim», – dedi Konstantinov.

Rusiye Federatsiya şurasınıñ anayasa qanunları ve devlet quruvı komitetiniñ yolbaşçısı Andrey Klişas Rusiyede internette ve kütleviy haber vastalarında Rusiye Silâlı quvetleri, ateş aqibetleri ya da ava mudafaa sistemasınıñ iş fotoresimleri ve videolarını paylaşmağa yasaqlağan qanun qabul etile bile, dep bildirgen edi.

Bundan evel Kreml kontrolindeki Qırım parlamentiniñ spikeri Vladimir Konstantinov yarımadada ava mudafaa sisteması ve Qırımdaki ücüm neticeleriniñ foto ve videolarını paylaşqanlar 300 biñ ruble qadar para cezasını ala bile, dep bildirdi.

Şahıslardan 30 biñge qadar, devlet memurlarından 100 biñge qadar, şirketlerden 300 biñ ruble qadar almağa teklif etile. Teklifler Rusiye Federatsiyasınıñ parlamenti seviyesinde baqılmalı.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG