Saatnıñ esas haberi

Azatlıq Radiosınıñ Rus hızmeti Keriç (Qırım) köprü zararlarınıñ yañı uydu çekimlerini derc etti

Keriç boğazındaki köpürniñ zararları, 2026 senesi noyabrniñ 19-ı
Keriç boğazındaki köpürniñ zararları, 2026 senesi noyabrniñ 19-ı

Azatlıq Radiosınıñ Rus hızmeti noyabrniñ 17-si, 18-i ve 19-nda kerçekleştirilgen Ukrayna darbelerinden soñ Keriç köprü zararlarını köstergen yañı renkli uydu çekimlerini derc etti.

Последствия ударов по Крымскому мосту на спутниковом снимке за 19 ноября

No media source currently available

Fotoresimde eñ az üç yerde demiryolnıñ büyük zararları, hususan qalğan köpür kemerlerinden bağlav yerinde körüne.

Keriç köprü noyabrniñ 16-nda ve 17-nde eki ücümge oğradı. Ekinci ücüm neticesinde kemer ve maşina qısmı suvğa tüşti.

Ukrayina prezidenti Volodımır Zelenskıy operatsiya bir qaç afta azırlandı ve yedi etaptan ibaret edi, dep bildirdi. Onıñ aytqanına köre, Ukrayina arbiyleri Rusiye ava mudafaa vastaları, radiolokatsion stantsiyaları ve keçitni qapatqan radioelektron küreş sistemasını ardı-sıra yoq etti.

Noyabrniñ 17-nde Ukrayina telükesizlik hızmeti Keriç köprüne qarşı darbe videolarını derc etti, anda patlavlar körüne ve inşaatnıñ bir qısmı yıqıla.

Noyabrniñ 19-na keçer gecesi köpür kene ücümge oğradı. Ukrayina Silâlı quvetleriniñ Baş ştabı bildirgenine köre, demiryolğa qarşı darbe Ukrayina Arbiy-deñiz quvetleri "Neptun" yalı raketa kompleksleriniñ yardımınen endirildi.

Ücümden soñ Rusiye akimiyeti demiryollardan birinde tren areketi yañıdan başlatıldı, dep bildirdi. Eki yolda da areketniñ ğayrıdan tiklenmesi aqqında haber etilmey. Bu malümatnı teşkermek imkânsız ola.

Soñki ücümlerden soñ Keriç köprüniñ tehnik vaziyetini mustaqil şekilde tasdıqlamaq ve yıqılğan parçalarnı ğayrıdan tiklev müddetlerini belgilemek imkânsız ola.

​
XS
SM
MD
LG