Rusiye arbiyleri Keriç (Qırım) köprüni diversiyalarğa qarşı qoralarnen sarıp aldı, dep bildire Mash Telegram kanalı.
Qayd etilgenine köre, suvustü ve suvaltı dronlardan qorumaq içün qoralar qoyuldı.
Telegram kanalı yazğanına köre, ileride böyle qoralar «köpürni ücümlerden qoruycaq».
Muarririyet bu malümatnıñ doğru olıp olmağanını tasdıqlap olamay.
CNN, darbe deñiz uçucısızları sınap baqılğan Ukrayına Arbiy-deñiz quvetleriniñ gizli bazası aqqında levha kösterdi. Telekanal menbalarınıñ malümatına köre, uçucısızlar eñ az eki kere Qırım ücümlerinde qullanıldı: 2022 senesi oktâbr ayında Aqyardaki Qara deñiz flotunıñ bazasına darbe endirilgende ve 2023 senesi iyül ayında Keriç (Qırım) köprüne qarşı darbe vaqtında.
H I Suttin tahallüsi altında çalışqan OSINT-talilcisi iyün ayında Evolution of Ukraine's Maritime Drone maqalesinde yazğanına köre, Ukrayına Silâlı Quvetleriniñ cenk vaqtında Ukrayına sanayısı modernleştirgen dört çeşit dronı bar. Onıñ malümatına köre, 2023 senesi baarde ve yazda Ukrayına Silâlı Quvetleri daa kompakt ve inkişaf etken cihazlarnı qullandı. H I Sutton olardan birini Ukrayına Silâlı Quvetleriniñ ekinci nesil deñiz dronı dep adlandıra, digerini – Toloka TLK-150 suvaltı cihazı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
