Oktâbrniñ 2-nde Keriç (Qırım) köprüsinde oktâbrniñ 3-nde saat 21:00-dan saat 6:00-ğa qadar areket toqtatılacaq, dep haber ete Rusiye Naqliyat nazirligi. Bu tamir işlerinen bağlı, dep qayd etile.
«Oktâbrniñ 2-nde Qırım köprüsine oktâbrniñ 3-ndesaat 21:00-dan 06:00-ğa qadar tamir işlerinen bağlı naqliyat areketi sıñırlanacaq», – dep aytıla haberde.
Hatırlatamız, sentâbrniñ 28-nde Qırımnıñ Rusiye akimiyeti tamir işlerinen bağlı köpür qapatıluvı aqqında haber etti.
Sentâbrniñ 14-nde Rusiye baş nazir muavini Marat Husnullin iyünniñ 17-nde patlavlardan soñ zarar körgen Keriç köprüniñ qısmında areketniñ yañıdan başlatıluvı aqqında bildirdi. Rusiye memurınıñ aytqanına köre, bir qısmı deñiştirilecek. Areket noyabrniñ 1-ne qadar bütünley açılacaq.
İyulniñ 17-nde saba Qırımnıñ Rusiye yolbaşçısı Sergey Aksenov bildirgenine köre, Keriç (Qırım) köpründe areket toqtatıldı. Onıñ aytqanına köre, Rusiyeniñ Krasnodar ülkesi tarafından 145-inci tayanç rayonında «fevqulâde adise» oldı.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayına uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
