Link açıqlığı

Saatnıñ esas haberi

Keric burhanı süretlerde

Ukraina ve Rusiye arasında deñiz burhanı noyabr 25-inde bazarertesi künü kerginleşti. Rusiye sıñır gemileri, Odessa limanından Azaq deñizdeki Mariupol limanına keçken Ukraina Arbiy deñiz quvetleriniñ gemilerine ücüm etti.​

Ukraina Arbiy deñiz quvetleriniñ malümatına köre, ücüm neticesine altı ukrain arbiyi yaralandı. Rusiyede silâ qullanuvını tasdıqladılar ve üç yaralanğan ukrain deñizcisi aqqında haber ettiler. Rusiye nezareti altındaki Qırım Sağlıq qoruv Nazirligi, olarnıñ sağlığına iç bir telüke yoq dep bildirdi.

Noyabrniñ 26-nda gece Ukraina Milliy telükesizlik ve mudafaa Şurasınıñ (MTMŞ) toplaşuvında cenk vaziyetini ilân etmek içün azırlıq körmege qarar alındı. Ukraina Yuqarı Radası bir sıra vilayette ve Azaq ve Qara deñizleriniñ içki suvlarında 30 künlük cenk vaziyetini ilân etti. Bu qarar içün 276 halq mebusi rey berdi.
Başından cenk vaziyetini 60 künge ilân etecek ediler, lâkin Ukraina prezidenti Petro Poroşenko, o saylav kampaniyaına keder etmesin dep, onı 30 küngece qısqarttı.

Rusiye tarafı Keriç boğazındaki adiseni Kyiv provokatsiyası kibi qabul ete. Rusiye Tış İşler Nazirliginiñ başı Sergey Lavrov, ukrain tarafını deñiz ve halqara qanunlarınıñ bozmasında qabaatladı ve “cenk yayğarasında siyasiy kârnı tapmağa tırışqanlarnı tındırmaq Kyivniñ ğarbiy sponsorlarını” çağırttı.

Facebook Forum

XS
SM
MD
LG