Dekabrniñ 19-ında, cumaaqşamı künü Qırımda sıcaq ava olacaq, amma Aqyar ve Keriçte duman tahmin etile. Bunı yarımadanıñ Gidrometeomerkezi bildire
Sinoptiklerniñ tahminlerine köre, Aqmescitte yağanaqlarsız ava beklenile. Şimal-şarqiy yel 7-12 m/s. Ava arareti kündüz 13…15º.
Aqyarda deñişici bulutlılıq, yağanaqlarsız. Gece ve saba duman. Şarqiy yel 5-10 m/s. Ava arareti kündüz 13…15º.
Qırımnıñ cenübiy yalısında deñişici bulutlılıq, yağanaqlarsız. Şimal-şarqiy yel 7-12 m/s. Ava arareti kündüz 12…14º.
Keriçte yağanaqlarsız. Aqşam duman. Cenübiy, cenüp-ğarbiy yel 5-10 m/s. Ava arareti kündüz 9…11º.
