Link açıqlığı

Keriçte ukrain mobil operatorlarnıñ esaplarına aqça qoymaq içün varaqalarnı almağa qıyın oldı.

Mahsus noqtalarda añlatalar ki, varaqalarnı 4 kere az ketirmege başladılar eken.

«Biz 400 dane sımarlaymız, 100 ketireler. Olar tez satıla. Şimdi daа 40 grivnalı bir qaç varаqa qalğandır», – dedi hızmetçilerden birisi .

Para yiberme yolunen de problemler çıqa. Hızmet içün komissiya 2 grivna olğan yerlerde aqça qoyuv limiti saba saat 10-da bite, 3 grivna turğan yerlerde - üylede.

Bayağı noqtalar bütünley qapatıldı. Bazı tükânlarda hızmet içün 4-5 grivna alğan terminallar da yoq oldı. Aynı şu zamanda Keriç tükânlarınıñ birisinde martnıñ soñunda Rusiye mobil ve diger hızmetleri içün ödev terminalı peyda oldı.

MTS call-merkezlerinde qayd ettiler ki, «Qırım müşterileri adiy rejimde hızmet köre, iç bir deñişme yoq». «Kiyevstar» şirketinde de bunı red eteler.

Şu vaqıtta yüz bergen vaziyetni yaqında Qırımda Rusiye operatorlarnıñ işi başlaycağınen añlatalar.

Bugün Rusiye kommunikativ nezaretinde qayd ettiler ki, yarımadada işke devam etmek içün Qırım operatorları 2015 senesi yanvar 1-ne qadar vesiqalarnı elde te bileler. Diger hızmetçiler Qırımda boş dalğalar olsa, tek o zaman faaliyet köre bilecekler.
XS
SM
MD
LG