Keriçte Gorkogo soqağında üç ev qaza sebebinden isitüvsiz qaldı. Vaqia fevralniñ 4-ünde aqşam oldı. Bunı "JilservisKerç" müessisesi haber ete.
Müessisege köre, qaza "Krımteplokommunenergo" hatlarında oldı.
Kommunalciler bugün isitüvni tamir etmege söz berdi.
Bu afta Qırımda ava bozulacaq ve sıfırdan aşağı 10-15 derecege qadar suvuq olacaq.
2018 senesinde rusiyeli Qırım parlamentiniñ mebusı Valeriy Aksönov, Keriçte isitüv ağları meselesi bar olğanını bildirdi. O, Qırımnıñ kimer şeerinde ağlar 70%-ğa qadar ipranğan, dep haber etti.
