Link açıqlığı

Saatnıñ esas haberi

Keriçte politehnika kollecinde elâk olğanlarnı añdılar


Politehnika kolleciniñ hadimler ve talebeleriniñ añuv alleyası, 2019 senesi, aprel 17

Aprelniñ 17-sinde Keriçte, yarım yıl evel, 2018 senesi oktâbrde politehnika kollecinde olğan patlav ve atuvlardan soñ elâk olğanlarnı añdılar.

Qırım.Aqiqat mühbiri bildirgeni kibi, çarşenbe künü keriçliler, kollec azbarında qoyulğan küçük hatıra abidesine çeçeklerni ketirdi.

Saba kollecge elâk olğan talebe ve ocalarnıñ ana-babaları keldi.

Keriçte kollec yanında, 2019 senesi, aprel 17
Keriçte kollec yanında, 2019 senesi, aprel 17

Patlav ve atışuv çarşenbe künü, oktâbrniñ 17-nde, Keriç politehnik köllecinde oldı. Rusiye Tahqiqat komitetiniñ malümatına köre, Keriç politehnik kollecinde olğan patlavnı 4-ünci kurs studenti, 18 yaşında Vladislav Roslâkov kerçekleştirdi. O, «özüni öldürdi». Facia neticesinde 21 insan elâk oldı. Qırımda üç künlik matem ilân etilgen edi.

Керченский стрелок. Все, что известно (видео)
Bekleñiz, lütfen

No media source currently available

0:00 0:05:42 0:00

Oktâbrniñ 19-nda Keriçte ve Yedi Quyu rayonında ücüm qurbanlarınıñ cenazeleri qılındı. Vedalaşuv merasimine biñlernen insan keldi.

Qırım Muhtar Cumhuriyetiniñ prokuraturası Keriç politehnik köllecinde olğan patlavnı terror ücümi olaraq tasnif ete.

XS
SM
MD
LG