Keriçte Mitridat merdiveniniñ bazı qısımlarınıñ denontajını başladılar. Qırım.Aqiqat mühbiri bildirgeni kibi, işçiler, merdivenniñ taş boşluqlarından direklerni alıp başladılar ve bazı qorqulıqlarnı bozdılar. İşler, Keriçniñ rusiyeli akimiyeti ilân etken merdiven rekonstruktsiyası çerçivesinde yapıla.
Mitridat bayırınıñ caplarında yerleşken mesken soqaqlarğa ketken merdiven qısımlarına qora qoyula.
Rıbakova, Verhnâya Mitridatskya, Esplanadnaya soqaqlarında olğan evlerniñ sakinleri, azbarlarına yol qapatılır, dep qorqa.
Daa evel, tış icracısı, Büyük ve Küçük Mitridat merdivenleriniñ rekonstruktsiyasını 2020 senesi sentâbr 1-inece yekünlemek kerek olğanı bildirile edi. Kontrakt fiyatı - 651,6 million ruble. Memurlarnıñ malümatına köre, leyhanıñ tış icracısı - "Bavarskiy dom" teşkilâtı.
Sentâbr 4-ünde, tış icracısı Keriçte Mitridat merdivenleriniñ rekonstruktsiyasını başlağanı bildirilgen edi.
