Tünevin Keriçte Kirova soqağındaki beş qatlı mesken evniñ ekinci qatında balkonda yanğın oldı, üç adam tahliye etildi. Bunı Rusiye FVN-niñ Qırım idaresi bildire.
"Kelgende, yanğın ekinci qattaki kvartiranıñ balkonında olğanı malüm oldı. Qurtarıcılar üç adamnı tahliye etti", - denile beyanatta.
Qayd etile ki, yanğıncılar, 8 kvadrat metrni qaplağan ateşni saat 19:18 söndürdiler, yaralanğanlar yoq.
Daa evel Aqmescitte mesken evdeki yanğında dört adam elâk oldı.
Qırımnıñ Seyitler (Nijnegorsk) rayonında Caytamğalı (Yemelyanovka) köyünde martnıñ 17-sinde şahsiy evde yanığn oldı, neticede bir aqay elâk oldı.
Fevralniñ 13-ünde gece Kefede Galereynaya soqağında yanğın oldı, onıñ sebebinden beş qatlı evniñ 15 sakinini tahliye ettiler.
