Şimdilik Keriçte koronavirus hastaları yoq, dep bildire şeerniñ rusiyeli akimiyeti.
Bu malümatqa köre, 115 adam tibbiy nezaret altında buluna. Olanıñ episi özüni izolâtsiya yapalar.
"Tünevinden berli keriçlilerniñ bu rejimni kütmesini iş gruppası nezaret etip başladı. Çetelden qaytqan vatandaslarımızğa muracaat etem: telefon ile yaşağan yeriñizde hastahanege haber etiñiz, başqalarnen olduqça az qonuşıñız", 0 dedi şeer başı Sergey Borozdin.
Keriçte bütün oquv yurtlarınıñ işi toqtatıldı.
İşğal etilgen Qırımda martnıñ 28-nden başlap iyünniñ 1-ne qadar pansionat, raatlıq evleri ve şifahaneler işini toqtata. Bu koronavirus tarqaluvınen bağlı, dep aytıla Rusiye kontrolindeki Qırım ükümetiniñ saytında.
