Keriçte, anaları tükânğa ketkende ev içinde kilitlengen balalarnı qurtardılar. Bunı, Rusiye FVN-niñ malümatına atıf etip, RİA Novosti Krım rusiye matbuatı haber ete.
Müessisege köre, eki yaşında ve sekiz aylıq olğan balalar evde özleri qaldı, anaları qaytqanda ise, qapını açıp olamadı.
Qurtarıcılar, FVN-niñ hadimleri mahsus aletnen qapını kesip, balalarnı boşatqanını haber etti. Vaqia yerine politsiya hadimlerini de çağırttılar.
Keçken afta devamında qurtarıcılar 11 yol qazası yerine çağırıldı, doquz adamnı qurtardı, olarnıñ arasında bir bala, eki adam elâk oldı.
