Keriçte Budönnogo soqağında tünevin aqşam 9 qatlı evde kvartira yandı. Binada çoq tütün olğanı içün, qurtarıcılar sakinlerni tahliye etti ve bir aqaynı yanğında qurtardı.
Bu aqta Rusiye FVN-niñ Qırım idaresi bildirmekte.
“Doquz qatlı evniñ birinci qatında bir haneli kvartirada yanğın çıqtı. Qırım qurtarıcıları, tütüni çoq olğan binada araştıruv keçirdi, onıñ neticesinde 1976 senesi doğma aqay qurtarıldı, 10 adam tahliye etildi”, - denile beyanatta.
Müessise malümatına köre, yaralanğanlar olmadı, amma yanğın kvartiranıñ bütün donatmasını yaqıp bitirdi. Müessisede yanğın sebeplerini daa belli etmeyler.
Partenit qasabasında (Aluşta) mayısnıñ 30-ında eki qatlı baraq evinde yanğın çıqtı, onıñ neticesinde 65 yaşındaki qadın elâk oldı. Baraqta yaşağan 17 qoranta meskensiz qaldı.
