Keriç merkezinde Melek Çeşme özeni tamamıle qamışarnen toldı. Qırım.Aqiqat mühbiri haber etkeni kibi, bu yıl ava qızıp başlağanından soñ özen yatağındaki qamış bir qaç metr qadar östi ve endi qoranıñ üstünden yükseldi.
Qırımnıñ ilhaqından evel Melek Çeşme özeniniñ yatağını qamış ve çöplükten temizley ediler, amma soñki yıllarda vaziyet yaramaylaştı. Bunı yerli akimiyet de bile: Keriçniñ rusiyeli memuriyetiniñ başı Sergey Borozdin daa evel aytqanına köre, 2020 yılda akimiyet özen yatağınıñ tetqiqini sımarlaycaq ola, bundan soñ yataqnıñ temizlev leyhası azırlanacaq.
Melek Çesme özeni şeerniñ merkeziy qısmında, avtovokzal ve merkeziy bazar yanında yerleşken, onıñ uzunlığı 16 kilomet, özenniñ başı Bagerovo qasabası civarındadır.
