Keriçniñ eki rayonında aprelniñ 25-inde bir künge suv qapatılacaq, dep bildire “Voda Krıma” müessisesi.
“Suv temizlegen stantsiyada №2 suv rezervuarınıñ temizlenme ve yuvulması sebebinden saat 8:00-dan (aprel 25) saat 8:00-ğace (aprel 26) Opasnoye ve Yeñi Qale (Sipâgino) köylerinde suv olmaycaq. Eali ve işhaneler bu vaqıtqa içüv suvnıñ yedegini azırlamalı”, -denile beyanatta.
Daa evel «Voda Krıma» müessisesi qırımlılardan suv qullanuvına ratsional ve tutumlı şekilde yanaşmasını rica etken edi.
Ukraina Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminley edi. 2014 senesi Rusiye Qırımnı işğal etken soñ, yarımadağa suv berilmesi toqtatıldı.
