Yanvar 30-ında aqşam Keriçniñ bir qısmı qaza sebebinden yarıqsız qalğan dep bildire “Krımenergo” müessisesi.
Olarnıñ malümatına köre, saat 17:00-da transformator stantsiyasında tel zararlanğani içün yarıq söndürildi. Bu mesele beş saattan çezildi.
Bundan ğayrı, “Solneçnaya” stantsiyasında olğan qaza sebebinden aqşam saat 7-den 12-gece de yarıq olmadı.
2016 senesi baarde rus energoköprüniñ üçünci pıtağı işini başlağanına baqmadan, Qırımda yarıq söndürmeleri devam etmekte. 2015 senesi dekabrden başlap Herson vilâyetinde energetik tiremelerniñ bozulğanından soñ, Ukrainadan Qırımğa elektroenergiya berilmey. Şimdilik Qırım öz generatorları, Rusiye generatorları ve Kuban energoköprüniñ elektrik ağını qullana.
