Link açıqlığı

Keriçte Rusiye pasportını almaq içün tizilgen nevbette adamlar bir-birine vesiqalarda qayd etilgen malümatlarnı teşkirmege tevsiye eteler.

«Adamlar hatalarnı sıq-sıq tapalar, soyadı doğru yazılmağan ve il. Soñra kene nevbette turıp, vesiqalarnı teslim eteler. Birden er şeyni teşkirip, ğayrıdan resmiyleştirmek mümkün», – dep ayttı nevbetini beklegen bir qadın.

Rusiye pasportnı almaq içün nevbetler sabadan tizile. Cumaertesi künü saat 12-de yazılğanlarnıñ sayısı aman-aman biñ adamnı teşkil etti. Bazıları bir qaç kün devamında nevbetini bekleyler – dayanamaylar ve ertesi künü kene keleler.

Cuma künü nevbette turğanlar cedvel tizdi, lâkin saba onı yırtıp, yañı soyunı yazdılar. Evelden yazılğanlarnı bu şey açuvlandırdı.

Adamlarnı uquq qoruyıcı organlarnıñ hadimi birer-birer davet ete. Çoqusı pasportsız çıqa. Vesiqa azır olmasa kerek.
XS
SM
MD
LG